على عكس برشة من ناس أنا نحب الخدمة في شهر رمضان ، ما نحبش نقعد ، نحب الحركة ، العمل بالنسبة لي أكبر عبادة و زيد الواحد يشوف العجب و الدمار و تبانلو تونس و التونسة على حقيقتهم، قرابة 90 في المائة من الزملاء المصلين يا إما ما يجوش و إلا يجوا مخر بما يزيد على الساعة ، وجهوهم صفر ، يتثاءبو ا ، يتحدثوا على صلاة التراويح و أشكون اللي يطولها و اشكون يقصرها ، و معبوكة العيد يا نهار الأحد يا نهار الإثنين (؟؟؟)، و تبدأ عركة سخونة كل واحد عندو فتوى و حساب خاص بيه و ثمة اللي يقول اللي شاف الهلال و ليبيا عندها الحق كي صامت قبلنا ، و ثمة اللي يقوللك إللي السعودية أصح ، و يتحل بوبلي مشكلة الرؤيا و الهلال ، و مشكلة المفتي ، كيفاش يطلع في التلفزة باش يقرى ورقة كتبوهالو الجماعة ، ثم ينتقل الحديث عن فوائد صوم رمضان و الأدعية المستجابة و ندخلو من جديد في حكاية الأحاديث الضعيفة و الصحيحة ، و تبدى عركة جديدة على الإمام ماك و الحنبلي ووو...مع العشرة يجي الزميل بكميونة معبية باللبن و الحليب و الريكوتة و الماء ..آي نعم ...الماء الصبة ..بيدون بو 10 ليترات ب دينار دام الله الرخاء ..السيد من بعد ما يصلي الصبح يمشي لسبالة حذى سيدي علي الحطاب و يجيب فرابة 20 بيدون ماء و يبيعهم على أساس ماء معدني صبّة و ليترة على 100 فرنك...و تتلم بيه الجماعة ..و هو يتمتم و بين اصباعو سبحة جابها عندو مدة من الحج ..و يجبد الكرني متاع الكريدي و يبدى يرشم ...انت و صلت ل 20 دينار ..انت و صلت ل 30 دينار ..انت خلصني بالمسبّق ...و تكبر الحضبة حذى الكميونة ، و يطلو المديرين و يهبطو هم بيدهم للميدان و ياخذو نصيبهم من السلعة ...و حتى واحد منهم ما يقول يا ولادي الخدمة وين هي ؟؟ و يجي الشاوش متاع المدير العام للزميل التاجر المتجول الخالص الأجر و يقوللو : وين قضية المعلّم ؟؟ يجبدلوا قفة مضروبة بالسفود يا من فلفل شايح و مرحي يا من لحم علوش و إلا بقري يا من قوتة ؟؟
يضحك الشاوش و يقوللو والله المعلم من الصباح يسهل عليك ، تعجبو برشة السلعة متاعك ، تي مرتو من الصباح و هي تلفن على القوتة و اللبن أمها ضيفة حذاها و ما تسحر كان بالمسفوف و شوية قوتة، يبيع السيد البضاعة متاعو و يديماري الكرهبة باش يجمل على العصر في جامع المرناقية ، ويبدى الوقيت قرب لتصف النهار ، ما تشوف كان أفصع أفصع الصلاة باش تفوت و كل واحد يحب يصلي في الجامع اللي قريب للدارو ، و قبل ما تتبلوكة السركيلاسيون ، و ما تسمع في الكلوارات كان "شاهية طيبة" و " الدايم ربّي يا فطّارة"مع ماضي ساعة يبدى البوم يبوم في الخدمة ....
الحاصيلو كيما تعرفو عندنا الوقت من ذهب ، أنا نستنى كل صباح في الكار متاع الخدمة و من نهار الإثنين و منقالة سبعة نوفمبر تفلطي الثمانية تلقاها الساعتين و الساعتين تلفاها العشرة متاع الليل ، منقالة قريبة 20 ميترو على مقر وزارة الداخلية أللي حسب علمي بلديات تونس تحت اشرافها و لا حياة لمن تنادي، اللى غاضني اللي التوريست يشوفو المنقالة و يصوروا فيها و يشوفو للوقت في مناقلهم، و ثمة أشكون يعدل في منقالتو على توقيت منقالة ساحة 7 نوفمبر...و فتها فهمت اللى المنقالة خرفت و ولت تهز و تنفض كي الناس الكل ...أشبيك اخي هي لحم و دم ؟؟ماهي حديد ؟؟؟ و الحديد عمرو قصير....
يضحك الشاوش و يقوللو والله المعلم من الصباح يسهل عليك ، تعجبو برشة السلعة متاعك ، تي مرتو من الصباح و هي تلفن على القوتة و اللبن أمها ضيفة حذاها و ما تسحر كان بالمسفوف و شوية قوتة، يبيع السيد البضاعة متاعو و يديماري الكرهبة باش يجمل على العصر في جامع المرناقية ، ويبدى الوقيت قرب لتصف النهار ، ما تشوف كان أفصع أفصع الصلاة باش تفوت و كل واحد يحب يصلي في الجامع اللي قريب للدارو ، و قبل ما تتبلوكة السركيلاسيون ، و ما تسمع في الكلوارات كان "شاهية طيبة" و " الدايم ربّي يا فطّارة"مع ماضي ساعة يبدى البوم يبوم في الخدمة ....
الحاصيلو كيما تعرفو عندنا الوقت من ذهب ، أنا نستنى كل صباح في الكار متاع الخدمة و من نهار الإثنين و منقالة سبعة نوفمبر تفلطي الثمانية تلقاها الساعتين و الساعتين تلفاها العشرة متاع الليل ، منقالة قريبة 20 ميترو على مقر وزارة الداخلية أللي حسب علمي بلديات تونس تحت اشرافها و لا حياة لمن تنادي، اللى غاضني اللي التوريست يشوفو المنقالة و يصوروا فيها و يشوفو للوقت في مناقلهم، و ثمة أشكون يعدل في منقالتو على توقيت منقالة ساحة 7 نوفمبر...و فتها فهمت اللى المنقالة خرفت و ولت تهز و تنفض كي الناس الكل ...أشبيك اخي هي لحم و دم ؟؟ماهي حديد ؟؟؟ و الحديد عمرو قصير....
10 التعليقات:
ياخي بالله وين تخدم ؟ اللهم في فيلم مصراوي على خاطر البوست متاعك في صياغتو ضهرلي دوعاجيات ..تو بالله هكة هلّي يصليو في التراويح يجيو امخّر و وجوهم صفر و هاك اللاوي ..علاش بايتين يشربو في البوخة لوجوه الصباح ..هاك ما تعرفش و لو كان اللي كتبتو نقل مالواقع راهو في بالك اللي التراويح و مهما طالت ما عمرها ما فاتت الساعة و على اخر رمضان أقل من هاك الوقت و آنا الناس الى نعرفهم يصليو ما شاء الله نراهم ناشطين و يعملو الكيف على عكس هاك اللى يصبحو في القهاوي وطواول القمار وعلى كل أي مرفق عمومي في البلاد قاعد يمشي كيمة يلزم و كان كلامك صحيح قوللنا وين تخدم خلى نجي نعمل طلة على هل فينومينات اللى يخدمو معاك على خاطرهم مطلعين ..ولو كان دخلت الجامع راك لاحظت الى التونسي يكرمك الله مرتّح روحو على لخّر.. بالعربي معظمها تصلي قاعدة الا من رحم ربي هههههههه ..نعرف كلامي موش باش يعجبك.. و بالله اذا كان البوست متاعك موش محاولة أدبية هاك السيد الّى شاد السبحه أنصحو قلّو اللّى هي بدعة و أحسن كان يسبّح بصوابع ايدو اليمين .. le texte est bien écrit malgré le manque de fiabilité
si j'ai bien compris, t'as accompagné le mec pour la prière tot le matin, tu l'as vu remplir l'eau du robinet public... bref tu es témoin de tout ça, et tout ce que tu trouve a faire, venir nous rapporter, tu dénonces tout et c'est tout. Ils ont tous tort autour de toi, mais toi tu n'y peux rien bien sur! tant pis pour eux.
sinon pour le truc machin devant le ministère de l'intérieur, ce sont les touristes et leur réaction qui te dérangent? tu as essayé d'aller voir la municipalité pour en parler, tu as écrit aux responsables? comme toujours on est champion pour critiquer mais pour agir, " esme3 w fellit"
pourquoi t'as pas dénoncé le mec qui vend de l'eau du robinet? rien de plus facile, puisque tu étais présent t'avais qu'a crier a haute voix, que c'est de l'arnaque!
mais bien sûr, laissons ces imbéciles s'entretuer; de quoi je me mêle
beau texte
merci pour l'avoir pondu
الى قيقوز :
شكرا على المرور و تعليقك ، ثمة حاجة بركة نحب نلفت النظر متاعك الى مسألة القمار أنا معاك هي ظاهرة تكبر و تنتشر في شهلر رمضان و انا موافقك اللى هي ظاهرة مرضية يا ما خلت من ديار و طيحت أعمار و عي مصيبة كبيرة ، لكن أنا ما ذكرتهاش في محيط العمل متاعي على خاطر لحسن الحظ ما عندناش من الزملاء من يمارس ها اللعبة السئة نقولك بصراحة اللي عندنا ما يقرب على 5 زملاء على 300 يلعبوا التيارسي (قمار الخيل) لكن حيب معلوماتي في شهر رمضان يبطلوا و يرجعوا مع الفطار...
فيما يخص الباقي ما نجمش نهزك للخدمة باش تشوف مشهد الدخول مــخّــر و
الغيابات في رمضان أولا أنو الشهر هاو انتهي بكل تكركيرو و نومو ثانيا ما هيش خدمتي باش نصب بيهم خاصة و اني ما نعرفش صيفتك و مهنتك و الله لا يجعلنا جرّة في خبزة الصغار...لكن نوعدك كان بقينا حيين اللى رمضان الجاي نعاود البوست و معاه صور ...
@ : anonyme
رغم اللى ما نحبش نرد على الغير معرف :حسب رايك ثمة ماء معدني يتباع في البادن البلاسينك و بدنار ال10 لترات كيفاش هذا و بجاه ربي كان عندك تقسير آخر تفضل هاتو و حسب علمي انا ما نعرفش اللى ثمة ماء معدني في جهة سيدي على الحطاب اللهم انت تعرف.
بالنسبة للمنقالة متاع ساحة 7 نوفمبر تتصور اللي السيد المسؤول اللي المنقالة بعيدة على شباكو 30 متر على أقصى تقدير ما شافش المنقالة’؟؟؟
و تتصور انا باش نخلي خدمتي و نمشي و نمشي نقابل المسهول ؟؟؟ و اللى ناخذ كونجي ؟؟؟ بالنسبة للماء اللي يتباع بالله قلنا وين يتباع الماء معدنس بدينار خللى حتى نحنا ندبرو روسنا على الأقل في اإستهلاك الصخشى....
ٍ
فولتاريان:Voltairien
شكرا على المرور...
si tu veux pas répondre aux comm des anonymes, enlèves l'option! t'inquiètes pas t'es tt aussi anonyme que moi
en tant que citoyen tu dois faire le minimum pour faire changer les choses; ve n'est pas parce que le responsable incompétent ne bouge pas qu'on doit faire pareil, ce n'est pas gde chose si tu t'absentes pour le bien de ta ville; aussi c ton devoir d'expliquer a tes concitoyens qu'ils se font avoir. cest bien d'aimer son pays mais c'est encore mieux d'agir pour changer les choses.
ça reste ma propre opinion, et ma réaction a ton post et ma vision de la citoenneté. libre a toi de réagir ou autre.
الى غير معرف مرة ثانية:
شكرا مرة أخرى على المرور ، نعم في تعليقك الثاني جانب من الصواب لكن اتذكر و انا في سن المراهقة (تقريبا 17 سنة) دخلت لمركز شرطة باش نقولهم انو العلم اللى فوق المركز مقطع و ولى يشبه لشوليقة، لكن ما راعني اللى وقفوني في المركز ما يقارب 3 سوايع و فرحو بية كيما يلزم في مراكز العالم الرابع ...زيد على ذلك ضيعت 3 يوايع قراية و قعدت نقرق بالقيم العام على billet d'entrée و ما خذيتها اللى ولى وجهي في قفايا...من وقتها فهمت اللي العمل الفردي و الإحتجاج الفردي ما يوكلش في ها البلاد.. و شكرا مرة أخرى
malheureusement, tu as raison; c'est notre pays, on ne doit pas s'attendre a mieux dans l'immédiat. mais est ce qu'il faut continuer avec cette politique de "akhta rassi.." ou bien continuer a subir toutes les injustices et être arrêté malgré nos belles intentions. bref, on ne peut pas juste critiquer et attendre une amélioration, la question a savoir comment agir pour notre pays sur le plan individuel, reste de mise . bonne continuation.
يا حلاج يا خويا مادامك جاوبت معنتها انت تحب تأكّد الّي البوست متاعك وصف لواقع معاش و سامحني توة باش نحكي معاك بصراحة ياخي ترى ملمعقول باش تربط التكركير متاع الموظف التونسي بشهر رمضان وقت الّي هي ضاهرة على طول العام .. وقت الّى تربط تخديم المخ و السرقة بهاك الي يجريو باش يصلّيو الظهر حاضر سامحني آنا نقلّك الّي البوست متاعك محاولة ممجوجة للاساءة للمتدينين ..و الا اذا أردت حصر مظاهر التخلف لدى الموظفين خلال شهر رمضان لتعرضت لظاهرة الاسراف في السهر سواءا في المقاهي أو المراقص الليلية التي تنتشر في بلد الفرح الدائم وهو ما يعوق الناس عن النشاط الغائب اعتياديا عن الموظف التونسي طبعا أنت حرّ فيما تكتب و الرسالة التي تريد تمريرها و لكن ربط الاخلال بالمعايير الأخلاقية بالصلاة و الالتزام الديني هذا ما فيه افتراء على الواقع التونسي وكن عادلا في بسط ما تريد بحيث نصدق ما تكتب ..قد لا تهتم لمدى صدقيّة ما تكتب و في هذا أنت حرّ أيضا و أقول لك ختاما أيها الحلاّج سلاما.. أنا أصلي التراويح وقد أحيت قلبي و لن أزكّي نفسي فالنفس أمّارة بالسوء ولكني ألزم الصلاة فانما جعلت لتنهى عن الفحشاء والمنكر ..تصوّر ..
إرسال تعليق